本帖最後由 ngwc2002 於 2016-7-16 12:34 PM 編輯
Day 4 (16 May 16 – Mon) : Rent a car (Hertz) – Manly Beach – Sydney Harbour National Park (Arabanoo Lookout) – Mariners Court Hotel 今早約了十一時攞車,時間充裕,故到外面的大型商場食早餐,款式其實都大同小異,蛋、煙肉蕃茄及小小蔬菜,我覺得土耳其的麵包就比較好吃,食完早餐回酒店拿回行李去攞車,大約要行十多分鐘,攞車過程順利,提供咗booking no, 然後佢會要求你出示passport、 driving licence及credit card比佢影印之後佢會講解一次合約內容,如有問題可於此時提問及修改合約,我選了全保即遇事的理賠額為0,手續辦好職員比咗份文件就叫我到對面停車場攞車,到咗對面停車場,門口有職員,佢講完一輪教你係邊樹攞車,自己去攞就得,今次租車給了我一個驚喜,原本租的是Nissan Qashqai小型SUV, 但不知何故upgrade 咗Audi Q5 中型SUV ,咁大個仔都未揸過咁高檔嘅車,不過問題嚟啦,㗎車唔係用車匙撻車,試咗好耐都唔得,唯有番上去門口求助,職員很耐心教導電子匙之用法及介紹車內的設施,學完開車,出咗停車場去到大街路口叫呀女set GPS,第二個問題嚟啦,唔識用個內接式的GPS,唔係Touch Mon ,老鼠拉龜無地方落手,再一次揸車番去找職員幫手,知道用法後set 去第一個景點Manly Beach,行車順利,大約半小時就到,因不是假日遊人不多,在海灘四處散步及拍照,肚餓就到附近買Pizza食,不過都係要小心海鷗,其中有一隻差點landing係我老婆頭頂,嚇死我個女。在海灘還認識了一位當地退了休的先生叫David,他很健談,曾經到過香港生活,跟他傾談了十多分鐘,接著去下一個景點Sydney Harbour National Park,因依度車位對出就有好靚既景唔駛行,泊車位位於North Head Scenic Dr, Manly,到達之後准備行去拍照時第三個問題出現啦,㗎車鎖唔倒門,當場留汗,唔係咁黑租到架壞車呀?立即打電話比Hertz問下,他們也不知為何,於是叫我去他們位於Manly 之分行換車,去到車行示範了車門不能鎖的情況,她們也覺奇怪,在車行等了半小時左右另一部同款的車駛到,今次我醒,先試過,不過同樣的情況再次出現,職員們都不明所以,及後都係揸車過嚟嗰職員好嘢,查出現今高科技產品只要你揸住條電子匙係附近,雖然鎖咗但你都可以開門,只要你行得遠D,嗰鎖就會鎖死,經過幾次試驗證實的,職員們及我都上了寶貴的一課,車沒事了,時間己是4時多,酒店要6時前check in,所以餘下計劃好之景點Tania Park,Arabanoo Lookout, Crater cove lookout,Captain Cook Panorama,McMahons Point (Blues Point Reserve)就沒有去,馬上出發去酒店,不過中途又到嗰GPS有事,在過了悉尼大橋後表示巳到終點,當時不知如何是好,叫呀女用手機的Google Map 查,但嗰Wi-Fi 蛋得3G又唔夠快,在過橋的位置轉來轉去,最後又過咗橋比多次錢,過到對岸又再回頭,過橋又比一次,原本付二次過橋費變成四次, 所以大家揸車於悉尼大橋要小心綜橫交錯的路面,幸好最後個GPS 無失靈,順利到達酒店,check-in 完去咗King Cross Station 附近的街邊鋪食意粉,漢堡,味道尚可,餐後去超市逛逛就回酒店休息,第四日完。 ... |